പരസ്ത്രീകളോടുള്ള അമിതാസക്തിചോദ്യം ചെയ്ത ഭാര്യയെ കൊന്നു തള്ളിയ ഭർത്താവ് അറസ്റ്റിൽ . പരസ്ത്രീ ബന്ധത്തിൽ ചോദ്യം ചെയ്ത ജെസിയെ ശ്വാസം മുട്ടിച്ച് കൊലപ്പെടുത്തികാറിന്റെ ഡിക്കിയിൽ കയറ്റി തൊടുപുഴയിലെ കൊക്കയിൽ തള്ളുകയായിരുന്നു.വിദേശികളായിരുന്നു പരസ്ത്രീകള്. സാം പരസ്യമായി മറ്റു സ്ത്രീകളുമായി ബന്ധം പുലര്ത്തിയിരുന്നത് ജെസി ചോദ്യംചെയ്തിരുന്നു. ഈ ചോദ്യം ചെയ്യലുകളാണ് കൊലപാതകമായി മാറിയത്.
തന്റെ ബന്ധം തകര്ത്ത ജെസിയെയും മകനായ സാന്റോയെയും കൊലപ്പെടുത്തുമെന്ന് ഇയാള് വിദേശ വനിതയെ അറിയിച്ചു. ഇതില് ഭയന്ന ഇവര് വേഗം ഈ വിവരം മെസേജിലൂടെ ജെസിയെ അറിയിച്ചു. പരിചയമില്ലാത്തവരുമായി അധികം ബന്ധം സ്ഥാപിക്കരുതെന്നും സാം നിങ്ങളെ ഏതുവിധേനയും കൊലപ്പെടുത്താന് ശ്രമിക്കുമെന്നും അറിയിച്ചു. ഇതേ തുടര്ന്ന് കുറേ മാസത്തേക്ക് ജെസി വളരെ കരുതലോടെയാണ് വീട്ടില് താമസിച്ചതെന്ന് ഇവരുടെ അഭിഭാഷകനായ അഡ്വ. ശശികുമാര് പറഞ്ഞു. ചെപ്പുകുളം ചക്കുരംമാണ്ടിലെ കൊക്കയില് കഴിഞ്ഞ ദിവസമാണ ജെസിയുടെ മൃതദേഹം കണ്ടെത്തിയത്. സാമിന്റെ ആദ്യഭാര്യ ഉപേക്ഷിച്ചുപോയശേഷം 1994ലാണ് ജെസിയെ വിവാഹം ചെയ്തത്.
സെപ്റ്റംബർ 26-ന് രാത്രിയാണ് ജെസിയെ സാം കൊലപ്പെടുത്തിയത്. ജെസി താമസിക്കുന്ന താഴത്തെ നിലയിലെത്തിച്ച് ബെഡ്ഷീറ്റ് കൊണ്ട് കഴുത്തിൽ മുറുക്കി ശ്വാസംമുട്ടിച്ചാണ് കൊലപ്പെടുത്തിയത്. അടുത്തദിവസം പുലർച്ചെ കാറിൽ ചെപ്പുകുളം ചക്കുരംമാണ്ട് ഭാഗത്ത് എത്തിക്കുകയും റോഡിൽനിന്ന് മൃതദേഹം കൊക്കയിലേക്ക് തള്ളിയിടുകയുമായിരുന്നു.
വഴക്കിനെ തുടര്ന്ന് 15 വര്ഷമായി കാണക്കാരി രത്നഗിരിപ്പള്ളിക്ക് സമീപമുള്ള വീട്ടില് രണ്ട് നിലകളിലായാണ് ഇരുവരും താമസിച്ചിരുന്നത്. ഈ വീട്ടില് സമാധാനപരമായി താമസിക്കാന് നല്കിയ കേസില് ജെസിക്ക് പോലീസ് സംരക്ഷണം ഏര്പ്പെടുത്തി 2018ല് പാല അഡീഷണല് ഫസ്റ്റ് ക്ലാസ് മജിസ്ട്രേറ്റ് കോടതി ഉത്തരവിട്ടിരുന്നു. സാമിന് ഇതേ വീട്ടില്തന്നെ താമസിക്കാന് ജെസി അനുവാദം നല്കി. വീട്ടില് കയറാതെ പുറത്തുനിന്ന് സ്റ്റെയര്ക്കെയ്സ് പണിതാണ് സാമിന് രണ്ടാംനിലയില് താമസസൗകര്യമൊരുക്കിയത്. ആറുമാസമായി എംജി യൂണിവേഴ്സിറ്റിയില് ടൂറിസം ബിരുദാനന്തര കോഴ്സ് പഠിക്കുകയായിരുന്നു സാം. ഇതിനിടെ സാം, ഭാര്യയെ ഈ വീട്ടില്നിന്നും മാറ്റി മറ്റൊരിടത്ത് താമസിപ്പിക്കാന് കോടതിയെ സമീപിച്ചു. എന്നാല്, ജെസി കോടതിയില് ഇതിനെ എതിര്ത്തു. ഇറാനി സ്ത്രീയെ കൂടെ കൂട്ടാനായിരുന്നു ഇത്.
തനിക്കെതിരായി കോടതിയില്നിന്ന് വിധി വന്നേക്കുമെന്ന് കരുതിയ സാം ഇവരെ കൊല്ലുകയായിരുന്നു. 26ന് വൈകിട്ട് ആറിന് വീട്ടിലെത്തിയ സാമും വീട്ടിലുണ്ടായിരുന്ന ജെസിയും തമ്മില് സിറ്റൗട്ടില് വച്ചുതന്നെ വാക്കുതര്ക്കം ഉണ്ടായി. കൈയില് കരുതിയിരുന്ന മുളക് സ്പ്രേ പ്രയോഗിച്ചതിന് ശേഷം സാം, ജെസിയെ കിടപ്പുമുറിയിലേക്ക് വലിച്ചുകൊണ്ടുപോയി. തുടര്ന്ന് ശ്വാസം മുട്ടിച്ചുകൊല്ലുകയായിരുന്നു.